Ein Cwricwlwm

Ein Cwricwlwm

A young adult works from a laptop in an arts workspace

01 - 02

Mae eich gradd yn seiliedig ar gwricwlwm rhyngddisgyblaethol arloesol, wedi’i gynllunio i’ch paratoi ar gyfer gweithio a byw yn y 21ain ganrif. Fe'i cynlluniwyd i ehangu eich gorwelion, i adeiladu meddylfryd cydweithredol, i ddatblygu sgiliau arwain arloesol, ac i wneud newid ystyrlon mewn ystod eang o yrfaoedd creadigol.

Tair Cydran Graidd

Yn cynnwys tair cydran graidd sef, Pwnc, Maes a Chyswllt, mae’r prosiectau a’r aseiniadau rydych chi’n eu cwblhau yn ystyried eich gyrfa, gydag ymarfer proffesiynol wedi’i wehyddu drwyddi draw.

Ni yw’r Ysgol Gelf a Dylunio Cenedlaethau’r Dyfodol. Mae hyn yn golygu ein bod yn canolbwyntio ar y dyfodol, y blaned, ein cymunedau a gwneud dewisiadau cynaliadwy.

Pwnc

Dyma’ch arbenigedd; eich cartref yn ystod eich amser gyda ni a’r lle i hogi’ch sgiliau. Byddwch yn cael eich trochi yn arferion, hanesion a phrosesau creadigol ym mha bynnag gradd o’ch dewis.

Byddwch yn cael eich herio’n greadigol ac yn academaidd, gan adeiladu ar eich sgiliau presennol drwy gymryd rhan mewn prosiectau ymarfer stiwdio, tiwtorialau a gweithdai sy’n berthnasol i’ch disgyblaeth.

Maes

Bydd y modiwlau hyn yn datblygu eich gwaith cydweithredol, rheoli eich prosiect, sgiliau arwain, a’ch gallu i feddwl yn feirniadol.

Mae maes yn cyflwyno profiadau a heriau’r byd go-iawn wrth i chi lywio materion cymhleth, ymgysylltu â gweithwyr proffesiynol y diwydiant a chymunedau allanol, a chymryd rhan mewn cystadlaethau cenedlaethol a rhyngwladol. Bydd eich sgiliau ymarferol proffesiynol yn cael eu datblygu wrth i chi ennill bathodynnau digidol ar gyfer eich CV drwy gyfrwng fframwaith Siapio Eich Dyfodol.

Cyster

Bydd y modiwlau Cytser yn datblygu eich trylwyredd academaidd, meddwl beirniadol a sgiliau ymchwil, wrth i ni eich cyflwyno i fyd ehangach syniadau, theori ac astudiaethau cyd-destunol celf a dylunio.

Byddwch yn dysgu sut mae celf a dylunio yn cyfrannu at, ac yn cael ei ddylanwadu gan, rwydwaith o gyd-destunau cymdeithasol, diwylliannol, moesegol, hanesyddol ac athronyddol.