Graddau Ymchwil
Gyda chymuned ymchwil ôl-raddedig ffyniannus yn astudio ystod eang o bynciau, mae gan Met Caerdydd ymrwymiad cryf i gynnal a chefnogi ymchwil sydd ar flaen y gad o ran archwilio gwybodaeth. Rydym yn cynnig amrywiaeth o lwybrau ar gyfer astudio ymchwil ôl-raddedig gydag opsiynau astudio amser llawn a rhan-amser ar gael.
Gallech ddewis rhaglen a addysgir sy’n cynnwys cyfleoedd i astudio MRes (Meistr Ymchwil) a Doethuriaeth a Addysgir. Fel arall, efallai y byddwch yn penderfynu ymgymryd â Doethuriaeth Broffesiynol (rhan-amser yn unig) sy'n cyfuno cydran a addysgir â chynhyrchu prosiect terfynol sy'n canolbwyntio ar wella ymarfer. Mae Met Caerdydd yn cynnig cyfres eang o Ddoethuriaethau Proffesiynol sy’n cwmpasu diddordebau ymchwil o bob rhan o’r Brifysgol.
Rydym hefyd yn cynnig opsiynau i astudio ar gyfer dyfarnu naill ai MPhil (Meistr Athroniaeth) neu PhD (Doethur mewn Athroniaeth). I'r rhai sydd â chysylltiadau presennol â Met Caerdydd, ac sydd wedi casglu portffolio ymchwil sylweddol, yna gallai PhD trwy Weithiau Cyhoeddedig fod yn llwybr mwy addas.
I gael rhagor o wybodaeth, ac i ddarganfod a oes gennym yr arbenigedd i gefnogi eich maes ymchwil arfaethedig, llenwch y ffurflen hon: Astudiaethau Ôl-raddedig - cofrestrwch eich diddordeb.
Enw'r Cwrs
Lefel
Lleoliad
Ymchwil
Campws Llandaf
Ymchwil
Campws Llandaf, Campws Cyncoed
Ymchwil
Campws Cyncoed
Ymchwil
Campws Llandaf
Dyfarniadau PhD ac MPhil
- Celf a Dylunio – MPhil/PhD
- Addysg a Pholisi Cymdeithasol - MPhil/PhD
- Chwaraeon a Gwyddorau Iechyd - MPhil/PhD
- Rheoli - MPhil/PhD
- Technolegau - MPhil/PhD
Mae'r cymwysterau ymchwil hyn yn canolbwyntio ar astudio annibynnol a bydd ymgeiswyr yn gweithio gyda'u goruchwylwyr i benderfynu pa raglen astudio sydd fwyaf addas i chi.
Mae'r PhD yn cynnig cyfle i chi ymgymryd â rhaglen waith systematig tuag at ddatblygu gwybodaeth newydd, a chyfuno'r wybodaeth hon o fewn y sylfaen lenyddol bresennol.
Mae'r dyfarniad Lefel 8 hwn yn addas ar gyfer graddedigion sy'n dymuno parhau i astudio mewn maes penodol. Gall hyn fod yn lwybr effeithiol i gynnig neu weithredu effaith gadarnhaol ar gymdeithas, diwylliant, yr economi, yr amgylchedd, iechyd a llesiant, ymddygiad, polisi a/neu dechnoleg.
Fel ymchwilydd PhD, byddwch yn cynnal prosiect ymchwil gwreiddiol gyda chefnogaeth tîm goruchwylio. Daw i ben gydag arholiad Viva Voce o draethawd ymchwil a gyflwynwyd gan yr ymgeisydd.
Mae ymgeiswyr PhD ym Met Caerdydd wedi canolbwyntio ar ystod eang o bynciau gan gynnwys straen galwedigaethol, dylunio sy'n canolbwyntio ar y defnyddiwr, ysgrifennu creadigol, perfformiad athletaidd a phreifatrwydd data.
Hyd a dull astudio: amser llawn 3-4 blynedd, rhan-amser 6-8 mlynedd
Am ragor o wybodaeth, ac i ddarganfod a oes gennym yr arbenigedd i gefnogi eich maes ymchwil arfaethedig, llenwch y ffurflen hon.
Mae hwn yn ddyfarniad Lefel 8 ar gyfer ymchwilwyr sydd â proffil ymchwil sylweddol ym Met Caerdydd, neu mewn cydweithrediad â staff ym Met Caerdydd. Mae'n cynnwys coladu'r proffil ac ychwanegu dechrau/gorffen gyda naratif beirniadol sy'n cyflwyno ac yn trafod y cyfraniad at wybodaeth a/neu ymarfer.
Byddwch yn cael eich cefnogi gan oruchwyliwr addas. Daw'r PhD trwy Weithiau Cyhoeddedig i ben gydag arholiad Viva Voce o draethawd ymchwil a gyflwynwyd gan yr ymgeisydd.
Mae'r llwybr hwn yn fwyaf addas ar gyfer academyddion sydd wedi gwneud ymchwil tra'n gweithio ym Met Caerdydd neu mewn Sefydliad Addysg Uwch partner.
Hyd a dull astudio: rhan-amser 1 flwyddyn
Am ragor o wybodaeth, ac i ddarganfod a oes gennym yr arbenigedd i gefnogi eich maes ymchwil arfaethedig, llenwch y ffurflen hon.
Mae'r MPhil yn gymhwyster ymchwil lefel meistr sy'n darparu sgiliau a gwybodaeth ymchwil uwch. Gall fod yn rhan o PhD neu gallwch astudio ar gyfer cymhwyster annibynnol.
Fel PhD, byddwch yn gwneud ymchwil helaeth yn eich dewis faes a allai gynnwys gwerthuso corff o wybodaeth yn feirniadol. Fodd bynnag, caiff ei gwblhau dros gyfnod byrrach na PhD ac nid oes angen yr un math o gyfraniad gwreiddiol.
Mae'r pwyslais ar ymchwil annibynnol sy'n arwain at draethawd ymchwil a byddwch yn sefyll arholiad llafar (Viva Voce).
Ar ôl ei gwblhau byddwch mewn sefyllfa wych i symud ymlaen i ymchwil pellach neu gallech symud ymlaen â'ch gyrfa gyda'ch gwybodaeth a'ch sgiliau newydd.
Hyd a dull astudio: amser llawn 1-2 flynedd, rhan-amser 3-4 blynedd
Am ragor o wybodaeth, ac i ddarganfod a oes gennym yr arbenigedd i gefnogi eich maes ymchwil arfaethedig, llenwch y ffurflen hon.