Sian Wickersham

Trosolwg

Yn dilyn gradd israddedig ym Mhrifysgol Rhydychen, cwblhaodd Sian y rhaglen Teach First, gan ennill ei TAR a gradd Meistr o Brifysgol Warwick. Yna treuliodd sawl blwyddyn yn addysgu fel athrawes ysgol gynradd yng nghanolbarth Lloegr a Llundain, gan ddatblygu diddordeb cryf mewn Addysg Gynradd, datblygiad athrawon a gwella ysgolion.

Aeth Sian ymlaen i weithio i Ysgolion Ark fel Arweinydd Rhwydwaith ar gyfer Datblygiad Proffesiynol Cynradd a Dirprwy Bennaeth Datblygiad Athrawon, gan gefnogi ysgolion cynradd ac uwchradd ledled Lloegr. Yn y rolau hyn, chwaraeodd ran allweddol wrth lunio mentrau datblygiad proffesiynol ar gyfer athrawon ar wahanol gamau yn eu gyrfaoedd, gyda ffocws penodol ar fentora.

Yn 2021, ymunodd Sian â Phrifysgol Metropolitan Caerdydd, lle mae’n dysgu Mathemateg, Rhifedd, Cymraeg ac Astudiaethau Proffesiynol ar y rhaglen TAR Cynradd. Mae hi hefyd yn gyd-arweinydd mentora ar gyfer Partneriaeth Caerdydd, gan gyfrannu at ddatblygu a gweithredu arferion mentora effeithiol o fewn addysg gychwynnol i athrawon.

Mae diddordebau ymchwil Sian yn cynnwys mentora, addysg mathemateg a rhifedd, datblygiad athrawon, a gwella ysgolion. Ar hyn o bryd mae’n ymgymryd ag astudiaeth ddoethurol fel rhan o garfan gyntaf yr EdD Cenedlaethol, gyda’i hymchwil yn canolbwyntio ar ddysgu proffesiynol ar gyfer mentoriaid.