Trosolwg
Mae Natasha wedi bod yn gweithio ar ddatblygu addysg fenter y tu mewn a thu allan i'r cwricwlwm ers 2006. Mae Natasha yn angerddol am ddylunio cwricwlwm arloesol, cymhwysol sy'n canolbwyntio ar fyfyrwyr. Mae hi'n credu y dylai diwydiant fod yn yr ystafell ddosbarth bob amser, gan roi cyfle i fyfyrwyr lunio eu taith ddysgu eu hunain drwy gymhwyso theori i ddiwydiant, drwy ddulliau asesu arloesol a dilys.
Gweithiodd Natasha i Wasanaethau Ymchwil ac Arloesi ym Met Caerdydd am naw mlynedd lle sefydlodd a rheoli'r Ganolfan Entrepreneuriaeth, sy'n darparu cyfres o raglenni addysg menter allgyrsiol, yn ogystal â chefnogi busnesau newydd. Enillodd y Ganolfan Wobr Addysg y Guardian am ragoriaeth mewn Addysg Fenter yn 2015am ei rhaglenni a'i hymgysylltiad â busnesau lleol a'r gymuned.
Mae Natasha hefyd wedi rheoli nifer o brosiectau a ariennir gan Lywodraeth Cymru, gan gynnwys Canolfan Ranbarthol Entrepreneuriaeth Addysg Uwch De-ddwyrain Cymru, y mae ei phartneriaid yn cynnwys Prifysgol Caerdydd, Prifysgol De Cymru a Choleg Brenhinol Cerdd a Drama Cymru.
Ymunodd Natasha ag Ysgol Reoli Caerdydd yn 2015, lle mae hi wedi dysgu ar draws adrannau, gan ddatblygu'r ddarpariaeth addysg fenter. Mae Natasha hefyd wedi dylunio a dilysu'r radd BA (Anrh) Entrepreneuriaeth Gymhwysol a Rheoli Arloesi, y rhaglen gyntaf o'i math yng Nghymru, y mae hi bellach yn Gyfarwyddwr Rhaglen ar ei chyfer.