Dr Jenny Mercer

Trosolwg

Mae Dr Jenny Mercer yn Ddarllenydd mewn Dulliau Ansoddol at Seicoleg Gymhwysol ac yn Arweinydd Astudiaethau i Raddedigion ym maes Gwyddorau Iechyd ym Mhrifysgol Metropolitan Caerdydd. Mae ganddi brofiad ac arbenigedd helaeth mewn addysg ddoethurol:

Mae Jenny wedi dal swydd uwch fel Arweinydd Astudiaethau i Raddedigion ym maes Gwyddorau Iechyd ers 2015, gyda chyfrifoldeb am weithredu a llywodraethu rhaglenni doethurol, myfyrwyr a goruchwylwyr. Mae hi’n cadeirio Is-bwyllgor Graddau Ymchwil yr Ysgol ac mae’n aelod o Bwyllgor Graddau Ymchwil y Brifysgol.

Mae ei phroffil yn cynnwys nifer o fyfyrwry PhD a gwblhawyd (gweler ‘Addysgu’ am broffil goruchwylio), cadeirio vivas ac archwilio traethodau ymchwil doethurol mewn amrywiaeth o SAU yn y DU. Mae Jenny yn cyflwyno cyrsiau hyfforddi a gweithdai i ymchwilwyr doethurol a goruchwylwyr sy’n cwmpasu sawl agwedd ar y daith ddoethurol.

Yn 2020 sefydlodd y Fenter Llesiant Doethurol ym Met Caerdydd, sy’n cynnig adnoddau pwrpasol, cyfeirio clir ac yn cynnal ymchwil i ddeall a gwella profiad y myfyrwyr ymhellach. Ar hyn o bryd, mae’n arwain menter AU Cymru gyfan, Researcher Wellbeing Cymru’, drwy ddatblygu platfform llesiant digidol. Cafodd ei gwaith i wella’r amgylchedd ar gyfer ymchwilwyr doethurol ym Met Caerdydd ei gydnabod gyda gwobr ‘Effaith Gymunedol Ymchwilwyr Doethurol y Flwyddyn’ yn 2023. I Jenny, goruchwylio myfyrwyr doethuriaeth yw’r rhan fwyaf buddiol o’i swydd.

Mae ei hymchwil yn cynnwys nifer o ddulliau ansoddol (e.e., dadansoddiad thematig, theori sylfaen, dadansoddiad ffenomenolegol dehongliadol, dyluniadau cyfranogol). Mae allbynnau yn berthnasol i is-ddisgyblaethau iechyd, fforensig, addysg a seicoleg gymdeithasol. Mae ei ffocws ar hyn o bryd ar ddau faes eang o lesiant a phrofiad y myfyrwyr:

Llesiant: y rôl y gall yr awyr agored, cysylltu â natur ac anifeiliaid ei chwarae wrth wella iechyd a llesiant. Mae hi wedi sicrhau cyllid allanol ar gyfer sawl gwerthusiad o fentrau gofal gwyrdd. Jenny yw arweinydd thema ‘Cysylltu â Natur a Mannau Gwyrdd’ o fewn Grŵp Ymchwil Iechyd a Lles y Cyhoedd yn YChGIC.

Profiad y myfyrwyr: ers cwblhau ei hastudiaeth ddoethurol ei hun sy’n dwyn y teitl ‘Access and Beyond: mature students’ transitions into and through higher education’ mae Jenny wedi cynnal diddordeb brwd ym mhrofiad myfyrwyr o addysg uwch. Mae llawer o’i gwaith yn canolbwyntio ar grwpiau sydd heb gynrychiolaeth ddigonol gyda chyhoeddiadau ar ddysgwyr hŷn annhraddodiadol, myfyrwyr rhyngwladol, dynion sy’n astudio seicoleg ac ymchwilwyr doethurol. Mae hi’n Arweinydd Ymchwil Cysylltiedig Seicoleg Gymhwysol YAPhCC mewn Addysg a Lleoliadau Cymunedol.

Yn fwy diweddar mae’r ddau faes hyn wedi uno, gyda ffocws ar lesiant ymhlith ymchwilwyr doethurol, a’r strategaethau maen nhw’n eu defnyddio i ymdopi â straen.

Cyhoeddiadau Ymchwil

Proffil Archwiliwr Ymchwil Visit the research portal