Gwybodaeth ar gyfer Aseswyr Allanol
Mae’r dudalen hon yn rhoi trosolwg i aseswyr wrth iddynt wneud argymhellion.
Gwybodaeth Cynorthwyydd Anfeddygol (NMH)
Er mwyn sicrhau bod myfyrwyr yn derbyn cefnogaeth o’r ansawdd uchaf wrth astudio ym Met Caerdydd, mae tîm o arbenigwyr mewnol, gan gynnwys Tiwtoriaid Sgiliau Astudio Arbenigol a Mentoriaid Arbenigol ar gael i gynnig cymorth un-i-un.
Mae pob Arbenigwr Band 4 yn gallu diwallu anghenion ein myfyrwyr gan fod ganddynt wybodaeth ymarferol lawn o brosesau a systemau Met Caerdydd ac mae ganddynt fynediad i ystafelloedd pwrpasol ar draws ein safleoedd.
Fel rhan o ymrwymiad Met Caerdydd i gefnogi myfyrwyr, rydym hefyd yn cynnwys Gweithwyr Cymorth (Band 1 a 2) a ariennir gan y Brifysgol, lle nad yw cefnogaeth bellach yn cael ei hariannu trwy’r Lwfans Myfyrwyr Anabl (DSA).
Cyfraddau NMH
Mae’r tabl cyfraddau isod yn dangos ein cyfraddau NMH ar hyn o bryd – 01/09/2024 hyd at 31/08/2025.
Sylwer: Cyfraddau Cymorth NMH fesul awr a ddangosir yn y tabl isod. Cyfradd Safonol (yn bersonol).
| Net | TAW | Cyfanswm | |
| Hwyluswyr Mynediad a Dysgu Arbenigol Band 4 | |||
| Mentor Arbenigol – Iechyd Meddwl | £53.00 | £0.00 | £53.00 |
| Mentor Arbenigol – ASC | £53.00 | £0.00 | £53.00 |
| Cymhorthydd Sgiliau Astudio Arbenigol 1:1 – SpLD | £53.00 | £0.00 | £53.00 |
| Cymhorthydd Sgiliau Astudio Arbenigol 1:1 – ASC | £53.00 | £0.00 | £53.00 |
Cymorth Cynorthwyydd Anfeddygol (NMH)
Os ydych chi’n bwriadu argymell mathau eraill o fentora arbenigol ar gyfer myfyriwr Met Caerdydd, cysylltwch â ni i drafod y ffordd orau i gefnogi eu hanghenion.
Trefnir gwasanaethau cymorth arbenigol fel dehonglwyr BSL trwy’r Gwasanaeth Llesiant i gefnogi myfyrwyr. Cysylltwch â ni os oes angen rhagor o wybodaeth arnoch.
Mae holl staff cymorth Metropolitan Caerdydd yn cael eu recriwtio, eu hyfforddi a’u goruchwylio yn unol â gweithdrefnau’r Brifysgol gan sicrhau bod yr holl waith a wneir yn sicrhau ansawdd ac yn unol â fframwaith Sicrwydd Ansawdd Cynorthwyydd Anfeddygol.
TG
- Mae mapio meddwl (MindView) a meddalwedd testun i leferydd (ClaroRead Plus) ar gael ar bob cyfrifiadur rhwydwaith ar y campws; fodd bynnag, nid yw hwn ar gael i fyfyrwyr ei lawrlwytho i’w ddefnyddio ar eu peiriannau personol.
- Mae Swyddogion TG Cyswllt Ysgol mewn cysylltiad agos â chynrychiolwyr ysgolion a chyrsiau ac maent yno i wrando, cynnig cyngor a gwella’r profiad TG i staff a myfyrwyr yn y Brifysgol.
- Gall myfyrwyr lawrlwytho ystod o feddalwedd am ddim gan gynnwys gwrth-ddrwgwedd, MS Office 365 a rhywfaint o feddalwedd cwrs penodol. Gallant hefyd gael mynediad at hyd at 1TB o storfa am ddim yn y cwmwl.
- Gall myfyrwyr lawrlwytho ystod o feddalwedd am ddim gan gynnwys gwrth-ddrwgwedd, MS Office 365 a rhywfaint o feddalwedd cwrs penodol. Gallant hefyd gael mynediad at hyd at 1TB o storfa am ddim yn y cwmwl.
Mae manylion ar sut i archebu gliniadur a rhestr lawn o’r feddalwedd sydd ar gael trwy’r wefan Technoleg Gwybodaeth.
Cyfraniad cyfrifiadur Lwfans Myfyrwyr Anabl (DSA)
Gofynnir i fyfyrwyr a ariennir gan Cyllid Myfyrwyr Lloegr sy’n cael eu hargymell i gyfrifiadur yn eu Hasesiad Anghenion gyfrannu £200 tuag at y gost hon. Bydd y Tîm Cymorth Dysgu yn talu’r gost hon i fyfyrwyr Met Caerdydd a darperir mwy o wybodaeth ar ôl eich asesiad.
Efallai y bydd myfyrwyr nad ydynt yn astudio ym Met Caerdydd yn gallu hawlio help gyda chost cyfraniad cyfrifiadurol o £200 gan eu prifysgol a dylent gysylltu â nhw i drafod ymhellach.
Gwasanaethau Llyfrgell / Cymorth Dysgu
Gall y Gwasanaeth Llyfrgell gynnig y gefnogaeth ganlynol:
- Ystafelloedd gyda meddalwedd cynorthwyol rhwydweithiol y gellir eu harchebu ymlaen llaw.
- Fersiynau electronig o werslyfrau craidd, gall y Gwasanaeth Llyfrgell gaffael fersiynau electronig o lyfrau ac adnoddau eraill pan fyddant ar gael ar gais.
- Llyfrgellwyr pwnc-benodol a all gynnig arweiniad ychwanegol ar gyrchu adnoddau a chyfleusterau llyfrgell.
- Gwasanaeth archebu sy’n caniatáu i fyfyrwyr gasglu eitemau yn uniongyrchol o’r brif ddesg.
- Trefnu mynediad at ddeunyddiau nad ydynt ar y safle.
- Mynediad i weithwyr cymorth ymweld â’r llyfrgell a chasglu deunyddiau ar ran myfyrwyr.
- Flexible library loans.
Llety
Mae nifer o breswylfeydd myfyrwyr ar gael sy’n wahanol o ran cyfleusterau a chost gan gynnwys arlwyo/hunanarlwyo, ystafelloedd en-suite ac ystafelloedd wedi’u haddasu. Os oes angen rhagor o wybodaeth arnoch at ddibenion argymhelliad DSA, cysylltwch â’r Gwasanaeth Llesiant.
Dysgu ac Addysgu
Mae dulliau addysgu yn amrywio rhwng cyrsiau fel y mae nifer yr oriau cyswllt a’r math o sesiwn. Defnyddir system cofnodi darlithoedd Panopto ond nid yw ar gael ym mhob lleoliad addysgu nac ar gyfer pob cwrs. Felly ni all Metropolitan Caerdydd warantu cyfleusterau cofnodi darlithoedd ar gyfer pob sesiwn ac mae’n cynghori bod dulliau recordio amgen yn cael eu hargymell ar gyfer myfyrwyr trwy’r DSA.
Teithio
Nid yw Prifysgol Metropolitan Caerdydd yn argymell cwmnïau unigol. Fodd bynnag, rydym yn hapus i drafod darparu tacsis fesul achos.