Gwobr Bywyd Astudio
Nod y Wobr Bywyd Astudio yw helpu'r myfyrwyr hynny o aelwydydd incwm is ac sy'n byw mewn ardaloedd sydd â chyfraddau cyfranogiad isel ar gyfer addysg uwch drwy roi cymorth ariannol iddynt y gellir ei ddefnyddio ar gyfer nifer o gostau o ddydd i ddydd y gellir eu hwynebu yn y brifysgol. Gall y rhain gynnwys, Llety, Deunyddiau Cwrs, Bwyd, Argraffu a theithio.
Y Pecyn Gwobr
Mae'r Wobr yn werth hyd at £950 y flwyddyn a bydd yn cael ei dosbarthu fel cymysgedd o Gredydau Print, talebau cinio, a chyfleoedd teithio gostyngol.
Cymhwysedd
Bydd ceisiadau am ddyfarniad y Wobr Bywyd Astudio yn cael eu hasesu'n awtomatig ar yr amod bod yr ymgeisydd yn bodloni'r Meini Prawf canlynol:
- Rhaid i chi gael eich ystyried fel myfyriwr Cartref at ddibenion talu ffioedd
- Rhaid i chi fod yn fyfyriwr newydd o Brifysgol Fetropolitan Caerdydd sydd wedi gwneud cais drwy UCAS ac yn mynd i gwrs Israddedig amser llawn ar lefel Blwyddyn un neu lefel Sylfaen.
- Rydych wedi gwneud Met Caerdydd yn ddewis Cadarn ar UCAS erbyn 27ain Mehefin 2025.
- Rhaid i'ch Cyfeiriad Parhaol fod mewn ardal sydd â chyfraddau cyfranogiad isel mewn Addysg Uwch.
- Rhaid i Incwm eich Aelwyd fod yn llai na £30,000
- Bydd myfyrwyr y dyfarnwyd Bwrsariaeth Myfyrwyr Gadael Gofal neu Fyfyrwyr Ymddieithrio hefyd yn derbyn y Wobr Bywyd Astudio yn awtomatig
Gweler yr adran Telerau ac Amodau i gael rhagor o wybodaeth am y meini prawf cymhwysedd uchod.
Os nad ydych yn gymwys ar gyfer y Dyfarniad Bywyd Astudio ac yn profi unrhyw anhawster ariannol, yna cysylltwch â'n tîm Cyngor Ariannol drwy: moneyadvice@cardiffmet.ac.uk
Telerau ac Amodau
Gellir dod o hyd i delerau ac amodau llawn Bywyd Astudio yma.
Sut i Wneud Cais
Nid oes angen unrhyw gais penodol. Fel myfyriwr newydd sy’n mynychu Prifysgol Metropolitan Caerdydd, byddwch yn cael eich asesu’n awtomatig os ydych yn bodloni’r meini prawf a amlinellir yn yr adran Cymhwysedd uchod.
Cwesitynau Cyffredinol
Os nad yw eich cod post yn cael ei adnabod gan ein Gwiriwr Cymhwysedd Cymdogaeth Cyfranogiad fel ardal cyfranogiad isel dynodedig, felly ni fyddwch yn gymwys ar gyfer y wobr. Rydym yn dibynnu ar asiantaethau allanol wrth ddiweddaru'r data hwn ac mae'r data hwn yn destun newid. Mae codau post wedi'u categoreiddio ar hyn o bryd yn ôl Mynegai Amddifadedd Lluosog Cymru 2019 (MALlC), systemau codio POLAR4 Ifanc, ac Oedolion AU 2011. Darparwyd data gan Gyngor Cyllido Addysg Uwch Cymru ym mis Mai 2022.
Ar hyn o bryd, dim ond myfyrwyr israddedig newydd sy'n cael eu hasesu'n awtomatig ar gyfer y fwrsariaeth. I gael telerau ac amodau llawn y wobr, ewch i'n tudalen we Bywyd Astudio. Os ydych chi'n fyfyriwr Met Caerdydd ar hyn o bryd ac yn profi anawsterau ariannol, cysylltwch â'n gwasanaeth cynghori i fyfyrwyr drwy e-bostio moneyadvice@cardiffmet.ac.uk am gyngor.
Unwaith y bydd y bwrsariaethau wedi'u dyrannu ac wedi rhoi gwybod i’r myfyrwyr (heb fod ar ôl 30 Medi), cysylltir â chi gan studylife@cardiffmet.ac.uk gyda manylion eich pecyn gwobrwyo. Dim ond ar ôl i chi gofrestru'n llwyddiannus ar eich cwrs gradd amser llawn, ac ar ôl i'ch cwrs ddechrau, gellir actifadu talu a darparu'r elfennau dyfarnu unigol. Os nad oes unrhyw un o elfennau cydrannol y fwrsariaeth Bywyd Astudio wedi'u actifadu erbyn 1 Rhagfyr 2023, bydd y cynnig bwrsariaeth yn cael ei ddiddymu a'i ailddyrannu i fyfyriwr arall.
Bydd eich cymhwysedd ar gyfer y dyfarniad Bywyd Astudio yn cael ei asesu bob blwyddyn academaidd yn erbyn y telerau ac amodau a byddwch yn cael eich e-bostio bob blwyddyn eich bod yn gymwys ar gyfer y cynllun. Mae talu'r dyfarniad Bywyd Astudio yn y blynyddoedd hynny ar ôl y flwyddyn gyntaf o bresenoldeb yn amodol ar ddilyniant llwyddiannus i'r flwyddyn rifiadol nesaf o astudio (e.e., o 0FT09 i 1FT09) a bodloni'r meini prawf cymhwysedd flwyddyn ar ôl blwyddyn.
Bydd myfyrwyr o lefel sylfaen i'r bedwaredd flwyddyn yn cael eu hystyried ar gyfer y fwrsariaeth. Caniateir pedwaredd flwyddyn i'r rhai sy'n dechrau ar flwyddyn sylfaen neu'n astudio cwrs pedair blynedd. Ni fydd myfyrwyr ar gwrs sy'n cynnwys blwyddyn ar leoliad yn derbyn y fwrsariaeth yn ystod y lleoliad hwnnw. Nid yw'r dyfarniad yn cwmpasu unrhyw ailadroddiadau oni bai bod amgylchiadau lliniarol llawn.
Nid yw'r wobr Bywyd Astudio yn cael ei dyrannu heb ddilyniant, oni bai bod amgylchiadau lliniarol llawn, felly os oes rhaid i chi ail-eistedd unrhyw flwyddyn, ni fydd gennych hawl i dderbyn y dyfarniad ar gyfer y flwyddyn honno. Mae derbyn taliad gwobr Bywyd Astudio yn amodol ar ddilyniant llwyddiannus i'r flwyddyn astudio rifiadol nesaf (e.e., o 0FT09 i 1FT09) a bodloni'r meini prawf cymhwysedd flwyddyn ar ôl blwyddyn.
Cysylltwch â ni
Os oes gennych unrhyw ymholiadau ynglŷn â’r Wobr Bywyd Astudio, cysylltwch â’r tîm Derbyniadau drwy: scholarship@cardiffmet.ac.uk